8/11/15

8/11/15   SUN   WARM

本來今日下午諗住返OLR AGM的, 但子元的狀態似乎不足以應付考試, 所以都要捨棄呢個活動, 重點同佢再操吓! 朝早去畫班, 今日敏瑩唔上, 所以只在家食咗卷蛋做早餐就算, 直接上畫室, 然後我地就去食早餐, 試咗間新餐廳, 但杯咖啡都係唔多掂, out! 之後去咗行惠康, 又買咗嘢, 跟住去接埋子元啦, 今日佢幅畫好靚喎, 所以一定要影下! 回家後叫佢做一次份卷啦, 但錯漏百出到不得了, 擴充句子可以冇擴就咁寫番嗰句落去, 我真係火到都唔知點! 佢夠鐘去踢波, 就比佢去踢波先, 我都要休息吓! 仲仲瞓咗, 我真係可以抖吓, 開套戲睇住摺吓衫咁, 柏仲醒咗但老公佢地仲未返又冇嘢食, 下次星期日我都係煮飯比佢食好D, 因為等得子元踢完波回來太晏! 等到佢地返都3點幾, 食完就再做卷, 其實我都開始冇力, 只係再出卷比佢, 跟住默吓字咁! 跟住就溫吓英文, 又溫咗個幾鐘, 要入嫲嫲到食大閘蟹啦, 我都要輕鬆吓! 二百幾蚊隻係唔同D, 堅好食! 8點幾返屋企啦, 我都攰啦, 冇要佢再做再溫咩, 明天抖足精神啦!