14/11/15

14/11/15   SAT   WARM

今朝柏仲又係勁早起身, 攞我命! 7點幾起身梳洗送子元去體操, 見時間尚早就同佢一齊去食早餐先, 食得飽我都要行吓, 所以行返公司, 原來都唔洗20分鐘, 都好快! 跟住都係做吓自己嘢啦, 柏仲12點幾過嚟, 又係搞搞震啦, 1點即閃, 今日唔洗買飯因為琴晚食淨餸! 柏仲喺車瞓咗啦, 所以我可以慢慢整熱番D餸再煮個烏冬, 留咗D烏冬同雞肉比仲仲就算, 食飽摺吓衫咁, 柏仲3點幾就醒啦, 餵佢食咗嘢, 等子元打完乒乓波返嚟, 就執吓嘢, 因為我忙碌緊冇時間教子元做小日記, 佢又話諗唔到嘢寫, 所以都冇得做住! 執好嘢有時間就早D出門口, 因為阿嫲生日出去太子食飯, 咁就去始創行吓, 差不多夠鐘就過去囉, 好在係有間大大GE房, 所以柏仲可以周圍走, 等齊人就開餐啦, 都食到差不多10點呀, 不過吹吓水咁OK GE, 子元食完就掛住打機啦, 柏仲食到尾都要落地行, 食埋壽包影埋相就撘巴士返去, 兩隻豬瞓哂, 柏仲冇沖涼就瞓, 子元梗係要起身行啦, 搞掂哂佢地都11點幾, 人都散!