18/11/15

18/11/15   WED   HOT

今朝6:40起身架啦, 但要3位大少都ready出門口已7:15, 完全趕唔切我個plan, 最終係打的過到程生樓下, 交數咗柏仲同敏瑩, 想坐下食個早餐都唔得啦, 因為已經7:40, 唯有買個麥記邊行邊食, 8點前叫做趕得切去, 學生自己搞掂, 我地家長就去集合啦, 點咗名, 等開幕儀式完就去跳遠場地準備賽事, 好在有Gloria一齊, 係咁吹水唔怕悶呢! 其實都係維持吓紀律, 唔算辛苦, 但始終要企同埋都曬, 所以都攰! 聽到call咪叫家長跑集合, 就過去做吓熱身等開跑啦, 等吓吹吓水都幾開心架! 首先係爸爸組跑先, 不過Daddy應該贏唔到, 因為佢喺佢嗰組都冇咩特別領先, 終於到我嗰組啦, 一起跑時就覺得大腿痛, 星期一練習完的遺痛就喺到, 不過都放到盡去跑架啦, 最終第一啦, 不過都好在有Camay幫我監測, 因為學校嗰D人又係亂GE, 將後面嗰組同我地嗰組張紙掉轉咗, 亂哂龍! 由於未頒獎我地都返去跳遠區做吓樣啦, 攞獎時叫人影吓相咁啦, 真係開心GE, 因為…仲跑得郁嘛! 散場得就上番看台休息吓, 等埋閉幕式就可以接仔走人, 齊齊過宇宙唱K, 張爸已攞好位叫我嘢食, 不過似乎得我同Gloria 享受, 張爸瞓咗, 三個細路又呻悶, 最終4點交房後就返咗荔欣, 張爸返屋企休息, Gloria要去教琴, 等佢3個係到玩同食, 7點先再出門口去小金井晚飯, 匯合程生佢地晚飯, 食咗好多正嘢, 每家5百幾蚊囉都OK啦! 飯後回家啦, 今晚冇接回仲仲呀, 比佢試一晚啦, 雖則係有D唔捨, 但我地都好攰啦!