15/11/15

15/11/15   SUN   WARM

今日都係一早起身去畫班啦, 跟住去食早餐, 食完就去shopping吓, 夠鐘就去揍番子元, 然後撘咗的士返去, 因為巴士有排等, 返到去因為要佢做番個小日記, 教佢寫大綱嚟作等等, 但佢又態度散慢咁, 已經激到去火火地, 作得嚟又溫唔到書, 跟手柏仲瞓咗嗰一陣就醒咗, 我又想佢再瞓番嘛, 入咗房噯佢時老公已帶咗子元去踢波, 但柏仲唔肯瞓要走出廳, 我嗰時情緒已經好失控, 開大門趕咗佢出街, 跟住大家一齊喺到喊, 我又喺到鬧, 混混亂亂竭斯底里咁! 係咁同老公whatsapps, 慢慢先叫做平復到, 執咗少少玩具, 老公話剛考完試, 由得佢溫少日, 叫我帶埋柏仲出球場搵佢, 所以最終都出咗去! 等佢地散場我先到架啦, 去食埋晏就撘地鐵去九龍灣, 去Mega Box買咗好多嘢呀, 不過都係要買同有平先買架啦, 柏仲過兩個月開學要著底褲仔又要買襪比佢, 跟住仲要買長褲比子元, D褲全部都吊腳, 仲有買番個布架因為爛咗啦, 最後買埋個膠箱, 比我找到個200幾蚊的3格有輥櫃筒, 去睇完玩具, 喺IKEA食晚飯, 8點幾撘的士返去啦, 都係沖涼就打暈仲仲, 子元識跟圖砌好個櫃啦, 我沖完涼又執咗D玩具, 終於完成個更新, 又整齊D又可以將仲仲啱玩的玩具放出嚟, 好滿意!