7/11/15

7/11/15   SAT   COOL

今日都係如常咁一早比柏仲嘈醒啦, 由於琴晚夜瞓, 柏仲已經算係咁, 7點多才起身! 但其實星期六係可以瞓到8點架嘛! 梳洗後帶子元去體操啦, 然後我就買早餐返工! 今日都係做吓無謂嘢啦, 柏仲12點幾嚟到, 揍住佢咩都唔洗做, 夠鐘就收工! 諗住買飯團返去食, 點知差不多賣哂, 唯有去買KFC啦, 柏仲開始眼瞓, 已經唔肯自己行要我抱, 上到巴士即瞓咗, 抱佢返去真係命都冇, 不過就可以hea住食個午飯囉, 睇吓電視咁, 3點多佢就醒又要同佢博鬥啦, 阿媽去行完山上咗嚟, 同柏仲玩咗陣就走啦, 咁我就想睇埋Running man先出去, 不過柏仲就好煩咁係咁攞鞋比我, 呢個又係街精! 咁睇完4點幾就出去啦, 本來只係諗住去惠康買吓嘢, 咁諗到子元踢埋波返嚟都係買外賣食, 不過就等埋佢地啦, 於是咪比柏仲去遊樂場玩住等囉, 沿住個荔枝角公園都有排玩, 柏仲都好少玩咁耐遊樂場! 最好笑係佢玩一個搖搖板時, 同對面個小朋友好近架咋嘛, 但隻豬仔好搞笑地係咁低住頭玩唔望人, 叫佢say hi時都係低住頭揮手, 笑鬼死我, 你有冇咁怕羞呀! 玩到5點幾6點就去惠康買埋嘢, 要入吓飲品等等, 買得嚟老公佢地都返到, 去譚仔會合買晚餐, 回家洗完白白再食, 等K.O.埋柏仲就要同子元溫中文, 足足溫咗一個鐘, 明天再比佢做卷!