21/11/15

21/11/15   SAT   HOT

今朝又比柏仲6點嘈醒, 點解佢放假唔可以瞓晏D, 我真係好辛苦! 拖住個軀殼送子元去體操, 跟住買早餐返工, 食完就hea吓啦, 咩都唔想做! 柏仲差不多1點先過到嚟, 都啱GE唔好搞搞震! 落到樓唔夠一陣就要我抱, 喺巴士已瞓咗, 由於冇買飯我諗住返去煮粥仔, 咁等佢瞓咗我就整嘢煮啦, 點知佢瞓咗大半個鐘就醒, 梗係要打番暈佢啦, 由於仲煲緊冇關爐入咗房噯佢, 噯到自己都瞓埋, 其實都幾危險, 好在好細火同埋開住蓋, 仲有我20分鐘就醒咗, 所以冇咩問題! Hea吓咩都冇做又瞓唔到, 等仲瞓醒就餵粥仔佢食啦, 之後嫲嫲出咗嚟, 等到子元踢完波就去出面大家樂會合, 食完去咗759狂shopping, 買咗D糧都夠到聖誕假之前, 回家後都係沖涼瞓覺啦!