19/11/15

19/11/15   THU   HOT

今日要過商會開會, 琴日又放咗假喎, 所以今朝返來真係超忙! 今朝瞓到7:45自己醒, 唔洗比仲仲嘈醒呢! 只係揍笨元去阿媽到, 行返公司都幾熱吓, 返到去快手做好D嘢, 因為11點幾又要出門口過商會, 過去先食咗飯先, 買好糧水就上去開工, 都係開票同開票啦, 最鐘意因為等於有糧出嘛! 一路做到2點幾齊人就開始, 快手快腳開埋個會, 本來3點9就完, 但老細又唔捨得走, 搞到4點多才可以閃, 先返屋企換衫執好嘢, 再過去接笨元, 一齊入青衣, 終於見到我隻仲仲啦, 一D都唔覺佢掛住我咁, 齊齊落去太興食晚飯, 撞到書記姐姐呢! 由於我唔係太餓, 叫咗2個餸加個炒飯咋, 子元都食咗大半! 食完撘巴士返去, 買咗雪糕比子元行住食, 終於返到去沖好涼, 等我抺吓地執吓嘢8點幾打暈仲仲, 就可以睇番笨元D嘢, 仲有執埋佢D冬天衫, 執到老公返嚟都未搞掂, 佢條友有時好似生蟲咁架, 又食咗daddy的蘑菇飯, 10點多先瞓! 我仲有2機衫等我摺, 摺得嚟都11點幾!