12/11/15

12/11/15   THU   WARM

今日都係如常咁揍返學, 入青衣, 買早餐返工啦, 今日又係冇咩mood做嘢, 朝早都可以自己做吓嘢, 吹吓水咁, 午飯後睇吓電視啦, 老細返來後不能做自己嘢, 好在準備了公事做, 頂到佢走咗又自由啦, 臨放工時同自己把長髮拍影留念, 因為陣間去剪啦, 都係時候剪, 順手下星期攞去捐咗佢! 落地鐵站會合咗子元, 阿媽揍咗佢過來, 就過荃灣剪髮啦! 先係笨元剪跟手到我, 我剪緊時老公到咗, 原來佢都剪喎, 最後柏仲嚟埋佢就剪埋啦, 4個頭400蚊抵啦, 柏仲剪時喊呢, 唔講以為剪佢個頭呀! 幾經辛苦叫做剪完啦, 就去愉景新城食晚飯啦, 老公話食outback喎, 有大食大嘛佢, 不過outback又真係幾好食ge! 食完本來諗住去超市買定明天的餸, 但因為已經夜啦都冇咩餸可以買, 所以只係買咗麵包同火腿明天整三文治比子元帶飯咋, 喺反斗城買咗BB公仔比柏仲, 因為佢成日攞哥哥嗰個嚟玩! 買完都返屋企啦, 沖涼瞓覺啦, 我就要快手搞掂埋睇奇皇后!