6/11/15

6/11/15   FRI   COOL

終於捱到星期五啦, 朝早叫老公起身整午餐盒比子元呀, 佢今日整三文治, 但都幾大工程, 又要捉子元起身啦, 好在趕得切校車呢! 跟手好快又要揍柏仲入青衣啦, 今日佢唔係好聽話, 要我唱歌仔呢! 不過落車後又係咁痴住護士長, 要人地抱囉, 好搞笑! 買埋早餐返工啦, 今朝都係hea吓做吓自己嘢啦, 午飯去咗買麥記, 試個新GE足二両, 加埋個粟米批, 好正呢! 午飯時老細全程喺到嘈住哂人地睇奇皇后, 可惡! 下午都係吹吓水做吓自己嘢啦, 仲要出埋英文卷呢, 點知到4點幾突然上唔到網, 好在都冇咩要上網搞啫! 放工就快手去萬寧買吓嘢, 寫低哂買咩所以都唔會亂買, 買完撘小巴返去執過D架部就出去小童接佢地, 程生塞車遲咗嚟, 好在今晚小童有點唱K活動, 佢地就係到唱歌, 好搞笑! 終於等到程生嚟, 點知上車時3隻馬騮為咗坐位又爭一餐, 坐嗰5分鐘路程咋嘛唔好煩得唔得! 跟住到咗食芝士雞煲嗰到啦, 又爭位坐又話要做呢樣做嗰樣, 好煩! 不過都有搞笑嘢, 就係因為呢間咪走雞除咗地鋪, 另一個位就係上一層唐樓咁嘛, 但個門口又睇唔見唔, 咁咪再上一層, 仲唔對路, 因為係D襟鐘仔地方, 於是再去樓下問囉, 先知真係冇門牌嗰個房仔, 真係嚇鬼死! 柏仲嚟到又知佢已食飽飯, 於是打比阿媽, 問佢接唔接收柏仲, 佢話冇問題, 咁我地就可以好好enjoy呢餐飯啦, 不過揍到柏仲上去時佢都唔肯架, 我話byebye佢要跟番我走架, 不過婆婆捉咗佢入屋我就快閃算, 好冇人性呀, 哈哈! 不過程生都係, 聽到程太話婷婷瞓緊, 叫佢即閃, 唔好叫醒婷婷落嚟, 咁我地呢餐飯就好開心好Free咁食啦, 雖然只係個幾鐘的自由時間, 但都已經好開心! 食完豐富雞煲仲要去食糖水, 不過就要揍番仲仲先, 三個細路又因為坐位要嘈, 今日佢地做咩呢! 因為去到食嘢又嘈, 為爭而爭咁! 食埋糖水返去都10點多, 快手沖涼打暈仲仲啦, 子元都係! 今晚提咗貨有子元一直想要的大pooh, 但因為我想佢考好個試先, 所以用咗嚟利誘佢, 希望work啦!