17/11/15

17/11/15   TUE   HOT*

今日都係如常咁返工返學啦, 朝早如常揍子元返學啦, 不過有D趕! 揍埋柏仲入青衣就買早餐返工啦, 都係做吓自己嘢啦, 午飯想好好睇電視都唔得, 因為老細又一早返咗嚟, 我地勁衰咁想避佢去咗買嘢, 但下午佢都係返過嚟講餐飽, 唉! 好在下午都有嘢做啫! 放工就去接笨元啦, 派埋數, 常卷啦, 數本來81, 但佢見自己又冇寫角符號, 就出去叫老師扣番分, 老師仲話佢誠實喎, 真係比佢吹漲呀! 唯有話個缺點記得抵囉! 因為佢咁我都有壓力架, 一見學校電話打嚟就驚, 今日又收到學校…飯堂打嚟, 頂呀, 嚇得我! 又係張票彈囉, 比渣打玩死, 搞到我D票全部要開過! 接咗子元就快手返去先, 因為今晚喺橋底有得睇波, 所以去譚仔食, 我又要返屋企等子元放低嘢先, 攞埋架BB車出嚟, 子元坐個BB車出去好可愛呢! 食完嘢過到橋底就等啦, 仲有20分鐘先開波, 找到個靚位等, 柏仲都好乖喺車仔等, 不過我同佢都係睇到8:20就走, 返去沖得涼食得奶瞓都9點啦, 跟住我就自由吓啦, 一條友攤抖吓好舒服! 佢地睇完波返到嚟都10點幾, 快手趕子元瞓覺啦, 明天又要早起運動會