4/11/15

4/11/15   WED   COOL

今朝要整炒飯, 所以又有D混亂, 子元又唔肯起身喎, 真係好麻煩! 終於趕得切出口, 揍咗子元又返上樓收拾入嫲嫲到啦, 買埋早餐返工, 知道老細今日唔會返公司, 所以都有點hea! 朝早做吓自己嘢啦, 午飯後睇吓電視啦, 午飯後又要出去做跑腿, 要攞嘢過去比昌哥簽嘢, 因為得一架巴士過到去, 但勁黑仔地來回都走咗架巴士, 等車就等20分鐘, 撘就得嗰10分鐘! 上去佢公司先慘, 工廈D貨lift真係好得人驚! 差不多一個鐘先返得到嚟! 回來要作埋子元份常識卷, 真係做到人都顛, 出卷其實一D都唔易! 放工接咗笨元返去都係沖涼…然後比仲仲玩啦! 飯後今晚奶奶洗碗我抺地, 9點前K.O.咗仲仲就幫笨元睇功課, 9點幾都K.O.埋佢啦! 老公6點幾時send咗msg嚟話今晚有飛機, 但就估唔到快得咁緊要, 10點幾佢就返到屋企, 真係好驚喜! 不過我晚好眼瞓, 所以11點幾都瞓啦!