3/11/15

3/11/15   TUE   COOL

今日都係要整飯比子元帶啦, 不過今日只係蒸番熱, 所以都比琴日快手! 揍咗子元返上樓執吓嘢又出門口, 揍咗柏仲去嫲嫲到就買早餐返公司食啦, 今日都係做吓自己嘢, 午飯因為J2做跑馬冇劇睇, 所以去咗麥當當買雪糕食, 好滿足呢! 下午高層老細返哂嚟, 仲以為我要去開會, 點知放生我喎, 開心死! 成個下午都自由自在, 不過都要留意住佢地會否過來, 都唔可以太過份! 放工叫做準時走得啦, 返去接咗笨元就返屋企, 奶奶已經喺到煮緊飯, 柏仲就梗係搞事啦, 成日喊喊喊, 呢隻豬絕對要嚴格去教! 食完飯我就洗埋碗抺埋地, 奶奶睇住佢地, 佢夠鐘有巴士就閃, 我就K.O.埋柏仲再睇子元功課, 今日都冇再幫佢溫書, 我估阿媽應該幫佢溫過, 我留番weekend同佢一炮過溫! 9點半未夠佢就瞓啦, 我就要做埋D手尾, 預備明天的餸, 摺衫等等, 老公今晚好攰, whatsapps咗一陣佢都瞓, 我就唔太攰, 所以睇吓電視先, 12點多才瞓!