2/11/15

2/11/15   MON   COOL

今日係涼咗D, 但未至於好凍GE! 朝早柏仲早過我起身, 知我今朝要起身煮飯比子元帶嘛, 今日要炒吓肉同飯咁, 所以都有D混亂, 但都叫做順利出到門口啦, 返上嚟後執吓嘢又要出門口啦, 揍咗柏仲我又買早餐返工啦, 今朝要做好哂自己嘢之餘仲要做定下午開會D嘢, 雖然我唔係負責D咩, 但都知成個下午都冇架啦! 午飯去買飯回來食完睇哂電視, 跟住就安心上路啦, 由兩點幾開始, 被資訊炸死咗, 開完同大陸組個會已經差不多5:30, 所以馬上打比阿媽叫佢幫我揍子元返屋企, 因為我一定有排搞, 果然再開埋到執埋手尾走得已經差不多7點, 真係hea咗一個月, 一鋪還番哂比佢! 好在返到去奶奶已經煮緊飯, 我仲可以沖埋涼, 陪兩隻小豬玩吓, 食完飯執好碗, 奶奶洗碗我就抺地, 之後陪佢地玩陣我就打暈柏仲, 再幫子元睇功課, 明天英評但我都唔知可以點溫啦, 卷又冇得出比佢喎, 考吓天才啦! 搞掂哂都差不多9點半, 食埋藥K.O.了子元我就自由啦, 同老公whatsapps吓咁啦, 11點多都瞓啦!