5/11/15

5/11/15   THU   COOL*

今朝仲仲7點先起身, 莫非索到daddy味, 想陪吓佢?! 最好笑係佢走出廳同我係咁講daddy daddy, 話我知佢個daddy返咗, 真係好可愛! 今朝只係蒸熱飯餸, 所以快手搞掂, 揍咗子元落去就返上樓, 叫醒老公起身返工啦! 入完青衣食埋早餐就返工, 老細上午返咗嚟, 好在我都有嘢喺手做, 唔係要扮做嘢都幾攞命! 午飯後睇吓電視啦, 下午主力出中文卷, 又係頭都大埋, 出足一個下午! 明天仲要趕埋個英文卷! 放工去接笨元, 因為掛住睇whatsapps, 竟然上錯咗架6C喎, 頂! 好在今日係諗住去曼克頓山食, 最終咪要叫嫲嫲推車仔同仲仲出嚟囉, 老公又啱啱好到! 去食上海嘢, 都係混混亂亂咁食啦, 因為仲爺又搞事囉, 食完都返屋企啦, 沖好涼打暈仲仲, 睇埋子元功課, 我先去沖涼呢! 老公為咗子元數學卷氣結, 咁條題目係衰, 不過火都冇用, 一係同老師講囉! 沖好涼仲要整吓呢樣整吓嗰樣, 坐低打幾鋪機又眼瞓啦!