16/11/15

16/11/15   MON   WARM

今朝仲仲竟然鬧鐘鬧佢唔醒喎, 我放假又唔見佢咁, 整熱番D飯餸比子元帶飯啦, 然後就送佢校車, 返到屋企, 見枱上有隻柏仲喺到攞奶樽, 今次唔用水淋身已經好好, 咁就沖奶比佢飲啦, 揍咗佢入嫲嫲到就買早餐返工啦, 返到去都係做自己嘢, 午餐要去買飯, 下午開始因為之後要見家長開始緊張, 係緊張到會急popo嗰隻, 差不多4點過到去學校, 安排吓喺邊到見啦, 最慘係收到一個壞消息, 就係今日派英文時, 佢又重覆做同一樣GE事, 我嗰吓真係想喊, 陸生就叫我冷靜D先, 但我真係唔知點冷靜囉, 上到7樓見到子元, 期間撞到Ms Mak, 佢都有過來講幾句, Ms Mak呢D就真係識對付子元啦, 一句話: 你要改一係改到攞100分, 改嗰少少有咩用! 我覺得子元就係受呢D激漲法, 但葉老師就唔係呢類, 都冇辦法! 終於入到課室開始見, 班主任, 級主任, 訓導主任一齊圍佢, 似乎令佢有D驚啦, 但唔知呢種驚會定到佢幾耐, 我就真係驚啦, 驚佢再犯, 因為佢根本就唔係為分數, 佢為嗰吓試底線咋嘛, 係個心態問題, 呢吓先難搞! 訓導主任問佢時就蚊咁細聲, 又淨係識點頭搖頭, 幾辛苦先答到幾粒字, 比佢激死! 由於訓導主任要開會, 咁得番級主任同班主任再審佢, 都係重覆又重覆咁講個嚴重性佢聽囉, 唔知佢明幾多啦! 最後, 級主任問我地記缺點GE事, 爸爸都同意記, 不過原來而家係會問家長同唔同意, 學校都真好驚家長會投訴! 搞掂都差不多5點半啦, 真係好漫長! 結果我只係返公司攞埋嘢就走, 好在老細冇找我! 子元出咗學校門口就成個輕鬆哂, 頂佢呀! 叫咗嫲嫲出嚟元氣食壽司, 子元就做埋功課先, Daddy禁佢一星期電子遊戲, 但佢仲係到話好悶呀…咁, 我真係想拉佢出後欄打佢一身, 邊個話打唔work, 我咪又係打大, 有咩心理陰影啫! 大佬…你有病啫唔係大哂架嘛, 我成日都係咁覺得架, 有病更加要努力去克服囉! 食完返屋企做埋少少功課, 就同佢去球場練跑, 我都有跑, 但真係冇咩郁開, 真係氣又冇腳又痛囉, daddy好努力教子元做熱身做後蹬, 但隻豬真係好蠢, 手手腳腳全部都協調唔到! 子慧落咗嚟一齊練嘛, 教佢起跑等等真係有分別, 不過佢同子元一樣唔輸得, 結果因為跑得慢過子元就喊! 練到9點多就去食雪糕才回家, 快手沖好涼打暈仲仲, 要叫子元做埋本感恩之門, 搞到10點先肯瞓, 我都攰到睇緊奇皇后都瞓咗!