26/11/15

26/11/15   THU   COLD

今日真係凍咗好多, 但柏仲照樣要起身送哥哥校車, 冬天流流都係蒸熱番D飯餸子元帶飯算啦, 冇咁多嘢搞! 跟住就揍柏仲入去啦, 點知巴士好早, 又趕唔切執好嘢出門口, 但再下一班車又勁遲, 結果選擇咗出去撘42A, 雖然都係趕唔到最近嗰班, 但點都快過42! 跟住就買早餐返工啦, 今日都好忙, 朝早做陣自己嘢又開工, 之後係好多零零碎碎嘢咁, 呢到做D嗰到又做D咁, 我都唔知自己忙咩! 午飯後睇吓電視hea吓咁啦, 下午又再做做做啦, 堅係忙, 呢D嘢真係要還! 放工去接笨元返屋企啦, 又要煮飯等等, 又係忙忙忙, 整好嘢食飯家務又到子元功課, 都冇咩同柏仲玩, 又係時候打暈佢, 咁先可以幫子元溫書, 明天中默點都要默多次!