31/3/16

31/3/16   THU   WARM

今日試試揍咗仲仲入青衣先, 7:30就出門口了, 真係好早, 撘巴士入得去都8點, 買埋早餐比嫲嫲, 再去番巴士站撘42A已經8:20, 過得長沙灣YMCA已經8:45, 買埋早餐撘巴士返公司啦, 我已經冇力行! 今日老細冇返過, 我都好無聊, 睇吓嘢做吓自己嘢咁, 午飯後去咗銀行啦, 入好錢先可以找卡數嘛! 下午都係無無聊啦, 開咗本小說睇吓, 放工就去接子元, 一接佢就激火我, 佢話佢冇帶筆袋, 冇人借筆比佢, 佢就冇做功課囉, 我真係一路行一路鬧呀, 跟住又講嗰到D高年級點樣, 子元話佢地有踢佢腳, 同看守姐姐講又冇回應, 估唔到子元都會比人蝦! 撘巴士返到青衣就開飯, 我話今晚唔做哂功課明天冇得outing, 於是食完飯佢就快手做, 唔知啱定唔啱啦但就真係有做GE! 由於柏仲6點幾先起身, 所以唔咁早瞓, 睇埋愛回家先call Uber返屋企, 快手沖完涼打暈仲仲, 我就沖涼啦, 子元睇電視到10點幾, 我摺埋衫就再睇電視到12點幾先瞓! 完全冇心機睇子元的功課, 但這星期六日點都要check, 有排佢改錯漏!

30/3/16

30/3/16   WED   WARM

今日老公要飛啦, 又去做菲律賓仔! 朝早仲可以車我地去YMCA, 佢自己揍埋仲仲入青衣, 本來諗住同子元食早餐, 但佢唔領情, 於是買咗個包比佢食咋, 我自己買早餐返公司食! 朝早都係做吓自己嘢啦, 午飯又要去買飯, 呢個時間老公已經到咗菲律賓, 下午老細返咗嚟, 時間過得超快, 基本上都係對住佢, 好在太老闆娘有D Starbucks振奮吓我地, 有得食有得飲嚟開會都好D! 放工走人啦, 去咗接子元同敏瑩, 仲要揍埋敏瑩上去婆婆到! 撘得巴士入青衣都差不多7點, 入到去都有飯食啦, 仲仲例牌搞事唔食飯架啦! 8點多睇吓有巴士未, 見10分鐘有車, 咁不如撘巴士, 馬上出門口行樓梯上去趕得切, 回家後同兩個沖涼先, 仲仲食埋奶瞓覺, 子元就要做咗份英文作文, 成日話唔識作, 我就鬧咗佢一陣, 再用大綱模式, 睇吓佢作成點! 沖完涼出嚟趕子元執好明天D嘢, 跟住我又要摺衫啦, 所以都趕佢去瞓, 我呢排都唔眼瞓, 睇電視睇到12點幾先瞓呢!

29/3/16

29/3/16   TUE   WARM

今朝老公車我們, 所以唔洗咁趕, 但揍完子元去YMCA, 再揍柏仲入得青衣已經8點幾, 所以叫老公車返我去地鐵站, 撘地鐵穩陣D! 返到公司買早餐返去食, 朝早主力做吓公事同寫番幾日的日記啦, 要寫番5日真係唔少嘢! 午飯去咗買嘢食, 之後都係吹吓水啦! 下午都係自由吓, 整埋子元D相攞去曬, 其實係因為曬開公司嘢, 順手搞掂埋! 放工攞完相行過去YMCA接子元, 跟住就入青衣食飯, 入得去都已經6:45, 子元話佢未做好哂功課, 我要佢返到屋企再做, 否則明天冇得去鯉魚門度假村玩! 食完飯7點幾走人啦, 老公送咗我地返去佢就去踢波, 我揍住兩個返到去, 先趕佢地去沖涼, 然後K.O.仲仲, 再叫子元做功課, 我就去沖涼, 之後佢話做哂架, 就信吓佢, 因為我仲有好多衫要摺, 開咗套分歧者嚟睇, 子元都睇到10點多先肯瞓! 老公11點前都返到啦, 不過到佢沖好涼我都未摺哂衫, 有4機真係好多! 摺完再執吓嘢, 終於可以坐低抖陣! 老公明天又要飛啦, 又有一星期見佢唔到, 不過為咗錢緊要D!

28/3/16

28/3/16   MON   COOL

最後一日復活節假期, 但我唔多復活到, 都係病病咁! 今日冇咩特別地方去, 老公話不如帶佢地去東涌的遊樂場! 咁先入咗青衣同嫲嫲食早餐啦, 去咗飲茶, 其實我腸胃唔多好唔應該飲茶GE, 但又真係好耐未飲過喎, 飲到11點幾, 又想玩青衣城的復活節吹氣玩兒, 於是又要download apps, 又要排隊咁, 都是D無聊遊戲, 但細路係玩得開心GE! 跟住就載嫲嫲返屋企,  我地就去東涌啦! 仲仲喺車瞓咗大半個鐘啦, 到咗佢就醒啦, 兩點到開始玩, 都玩咗差不多兩個鐘呀, 呢個遊樂場多好多難玩又爬得高的設施, 子元大個咗唔驚啦, 細嗰個就更加啦, 爬到太高都唔知點救佢, 只可以等佢跌嗰吓等daddy接住, 真係比佢嚇死同激死! 玩到3點幾4點返出嚟食嘢, 其實我都仲係唔太舒服想返屋企抖, 但敏瑩佢地幾個去荔枝角公園玩, 老公又想比佢地玩咪一齊囉, 喺大家樂食咗D嘢就過去會合囉, 又係看住佢地玩遊樂場都係好攰的一件事, 玩到6點幾都玩咗兩個鐘, 要去食飯啦, 又係我地三家去咗板板到食, 食完返屋企沖涼瞓覺, 但我就唔多眼瞓, 睇電視到12點先瞓呢!

27/3/16

27/3/16   SUN   COOL

今日約咗子慧去溜冰, 不過朝早如常咁去畫班先, 我地就去食早餐啦, 跟住上咗阿媽到, 唔揍又掛住個仲仲, 揍又攰, 真係服咗佢! 夠鐘就去接番子元回家, 因為我又病病地, 去藥房配咗藥食咗, 真係唔想郁! 但約咗去又一城溜冰嘛點都要郁! 過到去等洗完冰1點入去玩, 子元預期中玩咗一陣就唔想玩, 因為佢用錯力腳痛, 流住眼淚咁, 於是咪由得佢囉, 子慧繼續自己溜, 我地上咗Foodcourt食午餐, 跟住都係喺又一城活動, 因為有batman VS superman的display, 影相呀玩呀等等都有排玩, 4點幾先走呢! 柏仲一等子慧佢地落咗車就瞓咗, 回家我食咗藥同佢一齊瞓, 估唔到一瞓就瞓到9點幾, 老公煮咗粥, 一齊食D就沖個涼先, 老公洗完碗先再同佢地沖, 11點左右又掟番仲仲入房瞓, 子元話唔攰但喺梳化轉個頭已瞓咗!

26/3/16

26/3/16   SAT   COOL

今日活動是晚上BBQ, 所以日頭都係自由時間, 朝早又係hea到想起身先, 去長沙灣食早餐再買埋今晚的飲品就返屋企, 執拾吓又出去, 子元1點踢波, 放咗佢去球場就同程生佢地食午飯, 再一齊去買今晚BBQ的食物, 跟住又去接番子元去踢第二場波, 仲仲喺車已經瞓咗, 老公車我返去, 我就要抱住石頭仲返去, 好在佢真係好攰, 或者好似知今晚有活動咁, 再瞓到5點先起身, 我就摺哂D衫同收拾好D嘢啦, 子慧5點多上到嚟, 等老公揍番子元踢完波返嚟就出發入青衣BBQ啦, 其實都唔係好BBQ feel因為似就咁煮嘢多D, 細路根本冇燒過, 只係去咗遊樂場呀遊戲室玩, 仲仲就要跟實我, 因為嗰到都危險, 條友仔又攞櫈爬高, 大佬空中花園嚟架, 5樓跌落去會死架! 之後就帶咗佢地去長發再買料, 話唔夠燒喎, 但其實我覺得夠囉, 不過是但啦! 玩到9點幾要收拾啦, 分兩架車返美孚及長沙灣, 返去忙忙亂亂咁洗衫呀沖涼呀等等, K.O.咗佢兩個再執嘢囉!

25/3/16

25/3/16   FRI   WARM

今日是4日假期的開始, 第一日活動係約咗康傑的小朋友, 朝早梗係瞓吓先啦, 雖然都唔係早架啦, 因為柏仲係唔會放過我地, 但可以hea吓都係好事! 早餐去咗長沙灣嗰邊食, 之後都係返咗屋企先, 因為程太話今日撘地鐵成人半價小童1蚊, 咁渣車就變相好貴, 同埋今日都唔趕, 於是返上樓hea陣, 我去超市買吓嘢等等, 夠鐘才出門口, 過到去青衣, 小朋友梗係勁玩, 柏仲初頭仲怕羞緊, 之後就好D啦, 食嘢又自己食咁, 到3點可以去bowling就去玩, 大人們吹吓水咁, 我地要睇住仲仲其實都攰架, 因為其實佢冇咩啱玩! 到差不多5點要交場啦就出咗去遊樂場玩! 又係玩到顛啦, 5點幾要佢地走啦, 因為今晚要游水呀, 齊齊撘地鐵返去, 接埋子慧上嚟換衫就去游水, 今晚晚餐免費, 因為都係食番party食淨的KFC, 另加出前一丁啦! 仲仲回程途中已瞓, 瞓到7點多, 起身佢食咗飯先再同佢沖涼, 今晚比佢夜少少瞓, 都係9點幾啦! 游完水上來快手沖涼食嘢, 今晚都早D散, 因為我地大人好攰啦!