19/3/16

19/3/16   SAT   WARM

今日都係決定睇醫生, 但都要揍咗兩個仔入嫲嫲到先, 撘番巴士去法國目睇, 又唔係咁多人喎, 好快有得睇, 葉醫生話我又唔係好嚴重喎, 只係開咗3日藥比我, 攞埋藥又返番去青衣啦, 返到去都差不多12點, 奶奶話煮咗飯, 咁就食埋先, 仲攞咗D雞翼返去今晚食, 1點多撘巴士返去, 慢慢執好D嘢, 沖咗個涼先, 由得佢兩個自由吓先, 到我真係捱唔住啦, 就捉埋仲仲入房瞓, 叫咗子元自己溫書, 仲仲本來唔肯瞓架, 但比我鬧完都係瞓咗喺自己張床, 仲快過我瞓著, 我藥力發都真係好暈, 一路瞓到天昏地暗, 差不多7點仲仲醒我先醒, 子元喺廳睇緊電視, 都擔心唔知佢溫咗D咩, 不過都煮咗晚餐先, 只係煮烏冬整番熱D雞翼咋, 好在兩個都食! 睇番子元溫習, 佢真係有睇有抄GE, 起碼我教佢用memo紙mark嘢佢有做, 係抄字就唔多願囉! 食完嘢抺吓地, 大家都冇出過街都唔洗再沖涼, 同佢兩個抺吓手腳, 我9點幾又打番暈仲仲啦, 10點多都趕子元去瞓, 書明天再溫吧, 我洗埋D衫, 11點多食埋藥就瞓!