18/3/16

18/3/16   FRI   COOL

今日我要揍住兩個, 真係頂唔順都要頂! 朝早仲仲一早起咗身, 唯有帶埋佢落去啦, 跟住返上樓收拾到仲仲返學, 點知追唔到8點班巴士, 唯有再等下一班, 都趕得切接班, 揍咗佢地入去我就買早餐返工啦, 今朝起身本來已經有D喉嚨痛, 但慢慢就開始唔止喉嚨痛, 開始周身骨痛, 占寒占凍, 根本就係捱著等放工! 快手返屋企去整一整D餸, 食咗粒感冒藥好少少, 可能又趕呀趕咁出咗D汗又好D, 去到小童接佢地就去換衫, 再和程生滙合, 車咗佢地去游泳池就再入青衣接仲仲, 返得出嚟美孚都已經7點半, 我仲煮得切飯同仲仲沖埋涼都算係咁, 不過D餸都好求奇, 有飯比仲仲食咗先, 等佢地返到嚟先快手同子元沖涼, 我再繼續煮埋個飯, 開咗飯就開奶比仲仲, 都要趕佢入房瞓架啦, 今晚餐飯食得好快喎, 洗埋碗抺埋地佢地走都係10點咋, 佢地都明我要休息! 所以趕咗子元上床執埋D嘢我都沖涼了, 老公今日仲喺馬尼拉, whatsapps咗幾句啦, 我真係好病, 明天都係要睇醫生架啦!