22/3/16

22/3/16   TUE  COOL

今日雖然sick leave, 但都要揍仔返學先再去睇醫生! 朝早仲仲醒咗就一齊落樓啦, 快手搞掂埋想出門口, 但佢又係到換睇pigpig, 結果就係遲少少, 部lift又停得層多, 結果趕唔切8點班車, 所以亦都趕唔切揍婷婷入去, 咁揍完仲仲我就去食個早餐, 再撘車去法國睇醫生, 過到去見到登記條龍長到呢, 但都要排架, 排足半個鐘先登記到, 睇就好快有得睇呀, 葉醫生話都係要食抗生素, 我話喉糖唔得佢開咗隻直接噴喉嚨的藥, 攞完藥拖住疲勞的身軀去撘巴士, 返到去仲買定少少餸, 午飯都係要食GE, 食咗藥又唔瞓得住, 要等埋子元回來食埋飯我先休息! 不過老公又令我擔心, 又話落機打比我, 佢話哂撘嗰D係小型飛機嘛, 淨係喺機上面影比我睇, 之後就失聯, 我就亂諗咗成個下午, 食咗藥都瞓得唔好! 到5點幾忍唔住要打比佢, 終於找到佢我真係喊咗出嚟, 總之知道佢安全就得啦! 子元聽到我喊即刻走入嚟, 呢D時候佢又真係幾生性! 收拾好就入去青衣, 先救咗疴屎唔出的仲仲, 跟住就食飯啦, 食完就帶住仲仲落去惠康幫嫲嫲買D嘢, 又隔開兩隻豬一陣唔好咁嘈啦! 之後call uber返去, 但架車勁唔識路, 好耐先過到嚟呢! 9點到終於返到去, 先K.O.咗仲仲, 子元就執好嘢比佢抖陣, 等我沖完涼先瞓, 我就要做埋D手尾啦, 仲有要摺埋衫等等, 11點幾搞掂我都瞓啦!