23/3/16

23/3/16   WED   COOL

今朝仲仲又未起身, 所以又要子元自己落樓啦, 有多D時間搞掂仲仲出門口, 撘到8點班巴士返學, 揍咗佢地入去我就返工啦, 朝早都係做吓自己嘢, 跟住就去執個會議室, 老細要重組嘛, 最多垃圾嗰個咪佢囉! 午飯後都係睇吓電視打吓機囉, 下午老細喺嗰邊哄住個妹妹仔, 好事唔洗過嚟煩住, 有嘢咪比佢簽咁囉! 夠鐘放工就去元州接番子元, 先返屋企放低嘢, 再入青衣同嫲嫲食飯和揍番仲仲, 嫲嫲叫咗pizza, 簡單地食了, 差不多時間有巴士就返去啦, 都係沖好涼就打暈仲仲, 然後叫子元執好明天去YMCA做的嘢, 我就沖涼, 比佢自由吓! K.O.埋佢就摺衫再休息吓囉, 12點前都瞓啦!