9/3/16

9/3/16   WED   WARM*

今日柏仲冇跟住我一齊起身, 馬上輕鬆好多, 搞掂笨元就出門口, 返上嚟一陣仲仲先醒, 咁咪換衫出門口囉, 揍咗佢地返學就去買早餐, 簡單地食麥記都OK, 返到去都係做吓嘢啦, 午飯後快衝咗去Aeon周三特價日, 約咗Gloria, 仲同佢商量吓星期六要找佢幫手睇夜更, 因為老公突然收到通知星期五要飛, 明明星期日架嘛, 突然變咗星期五, 咁我星期六點算, 於是要周圍找幫手囉, 好在Gloria肯幫我揍夜晚, 因為阿媽唔會捱到我搞掂返嚟架, 所以點都要找人頂, 成個下午雖然係做緊嘢, 但其實個腦都係諗緊點算, 放工準時走得, 買哂餸可以直接返去, 不過要去Gloria到攞D菜, 返到去就同阿媽商量, 本來佢話可以揍全日, 但我都知係有難度, 所以話不如朝早我找人頂, 咁佢下午開始先揍, Gloria就8點前來頂更, 叫做安排好囉, 咁早上找埋Fiona頂, 都OK啦, 不過佢要揍住3個去家長日, 真係唔掂, 所以最終都係我揍入青衣先, 佢地見完家長先揍返出嚟, 我同阿媽再一人接收番一個, 子元就要跟住我開工啦冇法! 老公回來煮好飯就開飯啦, 跟住食完又係洗碗抺地沖涼囉, 又要同子元對功課, 又要叫佢溫中默等等, 沖完涼差不多10點捉佢去瞓, 我都好攰, 睇睇吓電視都瞓鬼咗, 冇追新劇呢!