10/3/16

10/3/16   THU   WARM

今日都係如常咁揍返學啦, 不過婷婷病冇返, 咁我地就唔洗咁趕, 慢慢先出門口都得! 跟住就去買早餐返工囉, 都係咁悶架啦! 返到去先做陣自己嘢, 然後就搞埋商會D手尾啦, 唔print嘢住都係啱, 總係有人好後期先話嚟又話唔嚟咁, 改嚟改去! 午飯後都冇咩睇新劇, 因為都唔係咁好睇咋! 下午都係做公事啦, 老細們返咗嚟開會, 但呢個會唔關我事, 我負責守尾門, 等老細閃咗先可以走都5:45啦, 快手返去買餸接更啦! 老公收到消息明天未洗飛, 但是否星期六都唔洗都仲要等明天才知, 希望有好消息啦, 咁我就唔洗咁辛苦啦! 返去煮飯時嗰兩個總係有D嘈啦, 子元成日話幫我睇住仲仲, 但咪都係自己玩, 我想佢好好溫書囉, 下星期考試啦, 好似咩都未溫過咁! 食完飯同子元睇功課又係有錯, 尤其英文呀, 話佢知都唔係好明錯咩咁, 激死! 叫佢溫默書, 叫老公幫手默, 最終又係要等我沖完涼出嚟搞, 因為子元背默背唔到, 又係到發脾氣, 我心諗我都未發你發! 最終同佢讀默咗先, 再叫佢背默番咪又記得囉, 講到尾都係唔熟架啦, 不過心諗老公嗰吓真係好幫唔到手囉, 個仔喺房炆你都去望吓嘛, 攰都要做架, 我夠攰啦, 等子元搞掂哂咪又係要洗衫摺衫執番哂D手尾先得!