7/3/16

7/3/16   MON   WARM

今朝仲仲又係早過我起身, 仲要喺我最忙時嚟辦大事, 所以最終都係要叫醒老公接手, 我要送子元校車嘛! 返上樓佢已經換好哂衫, 咁收拾好就出門口返學! 入咗學校就去麥記買個包做早餐, 廢事大大份早餐返去食啦, 有個令我周身唔自在的人喺到! 做吓嘢又要出去找昌哥簽嘢, 出一出去又個幾鐘啦! 返得嚟都中午啦, 繼續做吓又放飯, 去咗換飯團, 話咁快又儲滿20個印可換一餐! 點知返到上嚟老細已經喺哂到, 查實都幾冇癮, 又要喺到扮哂嘢, 我指我自己呀, 查實都好辛苦! 下午都係做商會D嘢啦, 因為都真係開始趕啦, 淨係排位都排到頭大! 做得嚟又好快放工, 好在近來都有嘢忙, 唔係無端端多條友喺到, 但我又百無聊賴的話都幾辛苦! 放工過美孚買餸啦, 近來都冇咩頭緒買咩餸, 諗到頭大! 返到去都差不多6點半, 阿媽都快閃了, 我對住佢兩隻嘢又要煮飯, 有時都覺得辛苦架, 因為唔係呢個投訴就嗰個撞親, 仲仲又成日扭抱, 係都要我鬧佢先唔扭咁就無謂啦! 差不多8點煮起飯, 但老公仲喺車到整緊個倚套同car seat, 唔call佢都唔識上來食飯, 食得嚟都8點幾, 快手分工洗碗抺地沖涼啦, 9點多K.O.咗仲仲, 就同子元對功課, 串一串英文字, 我就去沖涼啦, 比佢玩咗陣機, 10點多就瞓, 不過都要佢早番D瞓, 10點都係夜! 沖完涼我都係要摺埋衫先可以休息, 睇睇吓電視都瞓鬼咗, 好攰!