25/3/16

25/3/16   FRI   WARM

今日是4日假期的開始, 第一日活動係約咗康傑的小朋友, 朝早梗係瞓吓先啦, 雖然都唔係早架啦, 因為柏仲係唔會放過我地, 但可以hea吓都係好事! 早餐去咗長沙灣嗰邊食, 之後都係返咗屋企先, 因為程太話今日撘地鐵成人半價小童1蚊, 咁渣車就變相好貴, 同埋今日都唔趕, 於是返上樓hea陣, 我去超市買吓嘢等等, 夠鐘才出門口, 過到去青衣, 小朋友梗係勁玩, 柏仲初頭仲怕羞緊, 之後就好D啦, 食嘢又自己食咁, 到3點可以去bowling就去玩, 大人們吹吓水咁, 我地要睇住仲仲其實都攰架, 因為其實佢冇咩啱玩! 到差不多5點要交場啦就出咗去遊樂場玩! 又係玩到顛啦, 5點幾要佢地走啦, 因為今晚要游水呀, 齊齊撘地鐵返去, 接埋子慧上嚟換衫就去游水, 今晚晚餐免費, 因為都係食番party食淨的KFC, 另加出前一丁啦! 仲仲回程途中已瞓, 瞓到7點多, 起身佢食咗飯先再同佢沖涼, 今晚比佢夜少少瞓, 都係9點幾啦! 游完水上來快手沖涼食嘢, 今晚都早D散, 因為我地大人好攰啦!