2/3/16

2/3/16  WED   COOL*

今日老細返啦, 下午又肯定要開會, 即刻提番起哂勁呀, 唔怕冇咗份工咩, 係咪! 朝早如常咁做嗰堆嘢送仔返學啦, 不過送仲仲返去時, 美孚勁塞車, 調得頭走都已經好晏, 趕唔切揍婷婷入學校, 好在有家長仗義頂到, 咁我揍得柏仲入去後都已經遲, 但竟然撞到阿蚊, 可以痴車坐, 買埋早餐返公司, 都係做吓公事做吓私事咁啦, 午飯後老細返咗, 好在佢心情都好好, 比佢簽吓嘢咁又要開會啦, 都開到放工咁淨, 新請嗰位同事今日都嚟咗, 總監話佢係跟sales and Marketing的, 咁應該唔會影響到我掛! 都唔理得咁多啦, 做好自己本份算! 放工先去街市買餸, 喺街市買真係好控制budget咁, 今日又做到$70內一餐啦, 返去屋企先去Letty到接番子元, 初頭都唔乖架又冇寫手冊又話唔知做咩, 但當知道佢地屋企有cam, 又比Loletta耍佢話媽媽又睇到又聽到你講咩未, 就快手做哂D嘢啦, 所以呢條友仔都係要管架啦! 返到屋企排好D功課又話check咗, 咪又比我片囉, 大佬你態度衰到咁, 叫我點唔片你呢! 跟住佢咪叫做check吓自己功課囉, 之後就出嚟睇電視我就煮飯, 老公回來後不久都食得啦, 仲仲喺嫲嫲到已經食咗晚飯, 咁求奇比佢食D就算啦! 之後都係分工洗碗抺地沖涼等等, 9點K.O.咗柏仲又到子元功課溫書等等, 10點先放到佢去瞓! 我沖好涼就要摺埋衫先可以休息啦!