17/3/16

17/3/16   THU   COOL

今日老公要飛啦, 不過佢會渣埋架車泊喺公司, 所以今朝都仲可以車我地入青衣, 揍咗仲仲返學我地去咗太興食早餐, 咁各自要返工啦, 要下星期五先見到佢啦! 今次都真係過得耐, 足足1星期, 返嚟幾日又飛差不多一星期, 所以都真係會掛住架, 嗰到又唔係咁易有WIFI喎, 被動地等佢找到電話才可以聯絡呢! 返到公司都係做自己嘢啦, 午飯後去咗四小同3個小朋友會合, 主要攞衫比子元換啫, 吹咗陣水, 協助吓佢地食嘢就閃啦, 又要返去受難! 老細返嚟, 第一時間找PK妹, 咁都冇咩所謂, 我地呢D一向都有協調, 一個搞掂先一個, 但到我比嘢老細簽時, PK妹痴埋嚟, 係咁問呢樣咩嚟嗰樣咩嚟, 我真係冇同佢改錯名, 正PK!!!!!!!! 我個人本身都真係好nice, 好少憎一個人, 但佢真係令我好唔like! 關你X事咩, 你一係嗲老細炒咗我先, D嘢你慢慢做, 我攞咗嗰10萬8萬點都頂到半年, 唔係因為筆長期服務金咁吸引, 我可能真係會閃, 但呢到始終方便揍仔, 時間地點又好我先忍! 算! 唔講佢! 放工入青衣揍咗仲仲先再返程太到, 佢同慧媽都好偉大咁幫我揍埋子元, 仲溫埋書, 個衰仔又唔係生性GE要人鬧, 再喺咁冇人肯揍我都唔知點! 等程生返嚟, 我地3個女人就落咗去買飯餐, 都係買咗壽司同COCO咋, 食得嚟執嘢已9點幾, 快手打的走, 返到去差不多10點, 快手同兩個沖好涼就打暈仲仲, 再找少少練習要子元做, 我就去沖涼, 但對得嚟都11點幾, 都怕佢明天唔夠精神, 希望OK啦! 佢地瞓哂我仲要摺衫, 3機衫真係有排摺, 結果摺完都1點, hea陣再瞓已1點, 都好GE一入房就瞓得著!