20/3/16

20/3/16   SUN   COOL

今日7點幾佢兩個就走咗出廳睇電視, 我就hea到8點先起身, 等程生8點幾過到嚟車埋我地去畫室, 先去麥記食早餐, 一個揍3個去買早餐都有難度! 之後程生泊到車上咗嚟, 走嗰時就一齊啦, 揍咗佢地上去我地就去食早餐, 然後就揍仲仲入青衣, 今日全日放低佢我先可以谷子元溫書! 出返嚟長沙灣就去元州, 要上嫲到攞D嘢, 佢精神都OK但真係個樣冇咁精靈! 跟手去商場買埋子元的功課袋, 電, 仲仲個水杯咁就去接番佢地, 今日程生做咗我地個uber司機, 車出車入辛苦哂! 返屋企後抖吓收拾吓, 12點左右開始溫, 上半場都OK架, 合作同入腦, 到點幾比佢食D嘢, 食完腸粉再溫已經有少少散, 但都仲OK, 到3點幾出去食完午餐回來就多多事實啦, 叫做溫完常識, 想佢溫吓數啦, 但又肚痛又頭暈, 十九幾萬個理由啦, 最終6點多就叫佢stop, 買飯入嫲嫲到食啦, 出咗街咪唔痛囉, 頂佢! 入到去食飯啦, 仲仲掛住玩, 走嚟走去唔食, 我就捉住佢鬧一轉先, 再捉番佢上枱坐定定食, 喊咗一輪, 收聲食哂, 呢D正腸粉嚟架, 唔煎唔得! 食完hea陣吹吓水, 睇埋學是學非就走, call Uber抵D, 唔洗$50就返到去, 快手沖涼打暈仲仲, 係咁二同子元溫吓常識就叫佢執嘢瞓, 10點多佢就瞓啦! 我就搞掂埋D衫先再瞓!