13/3/16

13/3/16   SUN   WARM

今日又係一個正常的星期日呢, 朝早起身趕畫班, 食完早餐都係閒逛吓啦, 接番佢地就返屋企, 老公負責揍仲仲, 但趕佢去瞓又唔瞓啦, 我唔理啦, 先睇子元功課, 然後開始要溫小考, 試個新方法, 教佢自己溫, 比D信心大家, 咁當然我唔會完全唔理啦, 只係佢有佢喺書枱溫, 我喺房門口邊摺衫邊留意住佢溫得啱唔啱, 見佢都OK啦, 係冇咩去寫吓囉, 咁寫佢係最唔鍾意, 都要時間佢學點自己溫書! 不過呢個方法最有用的地方是我又可以做到家事佢又溫到習, 實在有太多嘢係我要做, 分身乏術! 溫到差不多3點就落去買嘢食, 買完上嚟老公同仲仲就醒咗, 咁食完嘢比子元休息吓就入去做練習, 我入咗房休息, 其實都瞓唔著, 反而睇咗套劇, 子元有D扭唔肯做, 比佢瞓咗都唔想做咁多, 唉…係咪都係要我個人喺到佢先肯做呢, 好煩! 差不多6點出番廳, 收拾吓就出去食飯, 老公要去AEON買公司用的旅行箱, 咁就喺AEON食埋晚飯啦, 仲仲好可愛地又要用筷子自己食, 實跌到一身一地都係架啦, 但都食得好好! 去買埋明天整飯比子元的料及買埋個旅行箱就回家, 老公又去踢波! 我一揍二喺屋企K.O.佢地, 終於做好嘢已經11點多, 不一會老公都返, 再睇吓套新開的韓劇, 差不多1點才瞓!