6/3/16

6/3/16   SUN   WARM

今朝都係子元去學畫畫啦, 食完早餐冇咩做又冇地方去, 最後去咗元州邨遊樂場比柏仲玩吓, 夠鐘就去接番子元回家, 叫佢去做改正溫書嗰D啦, 叫老公搞掂柏仲功課嗰D, 佢係到發脾氣喎, 大佬我一條友點分身睇兩個功課呀, 痴X線架! 後來問返佢佢話佢眼瞓想瞓喎, 想瞓大X哂呀! 咁攰夜晚咪唔好睇咁夜波囉, 呢D出得嚟行遇咗要還架啦! 我夠攰啦, 唔通可以唔幫子元溫書睇功課咩, 今個星期又中英進評, 下星期又考試啦, 溫完影印練習佢做, 我就可以摺吓衫, 等仲仲醒咗就準備出去食嘢, 老公話去奶奶到買嘢上去食, 再出去行吓, 不過最終奶奶都冇出去, 所以我地去咗青衣北公園玩吓, 但人又多又有一個設施維修緊, 所以一陣就走, 返咗屋企, 我去惠康買嘢老公揍兩個返去, 今晚佢去踢波不過踢好夜, 所以可以D煮嘢食先, 我都仲飽緊所以冇食, 只係整比兩個細的食, 順手子元明天都要帶飯嘛! 8點幾佢閃了我就同佢兩個沖涼, 仲仲瞓咗就比子元玩陣, 仲要改正番D錯處呢, 10點左右佢才瞓, 我就睇電視囉! 老公買咗粥回來食, 但因為佢打返來時我瞓咗, 佢只買了一份, 可兩個share囉! 跟住佢又睇波啦, 我頂唔住瞓先啦!