21/3/16

21/3/16   MON   RAIN

今日都係頂硬上返工, 講咗下午開會, 點敢唔返! 仲仲一朝早未起身, 所以子元要自己落樓, 叫醒仲仲起身返學啦, 揍咗佢地入學校我就返工啦, 朝早都係做吓自己嘢, 午飯就係去接子元佢地3個放學, 因為今日又集中營溫數, 幾經辛苦接咗佢地去元氣同Gloria會合, 坐底我就快手叫咗我嗰個先, 因為趕住食完返公司, 叫做安頓好子元我先走啦, 下午係咁開會啦, 差不多開足一個下午, 放工我都hea咗陣先閃, 因為老細又未肯走! 入緊青衣時程生打嚟話洗唔洗入青衣接我, 咁就梗係好啦, 因為今日keep住落雨! 入到去等程生call先落樓, 期間收到程太電話, 話子元又唔會作做卷又做得慢, 已經激到我火起, 出到去走廊時因為叫咗子元聽, 我就仲火, 係咁鬧鬧鬧, 可能我已經病, 冇咩耐性! 收咗線理番仲仲我又唔可以爆佢, 上咗程生車, 先去元洲接婷婷, 睡公主上身要抬佢上車, 好在已經唔係好大雨, 過番程生屋企, 上去見到子元想爆佢架啦, 不過程太話之後佢都OK咁就算啦! 跟住幾個鐘都係忙忙亂亂啦, 因為午飯時撞到晴晴, 咁就一齊溫, 又一齊玩啦, 4個小朋友仲嘈! 樣樣嘢都要爭呀搶呀咁, 超煩! 9點多程生車我地返去啦, 快手K.O.佢地, 我都要休息啦, 明天sick leave啦, 頂唔住!