12/3/16

12/3/16   SAT   WARM

今日係超級忙碌的一天, 但其實我忙得唔開心, 之前就算忙, 我都係忙得快樂的, 都係出糧嗰個唔好, 太多小動作, 太唔識尊重人, 我都信你點對人人點對你, 你對人好人對你好, 差在係幾時先爆GE啫! 講返朝早, 老公揍兩個細入去嫲嫲到, 然後去見家長, 我就快D趕咗佢地出去就可以收拾好嘢返工! 今朝都唔算太多手尾執架啦, 都係有少少來賓變動咁啦, 放工就出發, 先去食咗嘢先, 對自己好D試咗對面廣場嗰間西餐廳, 然後才慢慢撘巴士過去, 過到去都未夠3點, 但都有嘢我做, 就係要開票寫單嗰D囉, 都已經夠我忙, 幫手的女仔們都準時到, 都是做慣嗰D, 大家都有默契點做, 唔洗太多講解, 由於台上backdrop未起好, 我地台上setup都未做得住, 咁就開咗理事會先, 就係呢到開始某人好唔識相, 又叫埋某後生女開會, 連人地老細都識安慰我, 佢就係咁踩我, 不過我唔會自己郁架, 郁我就最緊要賠足喎, 10年長期服務金都唔少, 夠頂一排架! 開完會就上咗去後台做嘢, 同MC講解吓呀, Set吓獎座嗰D呀, 老公5點幾就揍咗子元過來, 個衰仔又唔係嗰D好寶寶, 其實都會令我做嘢分心的, 好在有法仔仗義幫我揍住, 好感謝佢架, 因為要揍住子元真係唔易架! 我之後都係後台前台忙忙碌碌咁啦! 等齊主禮就可以開場, 今日真係唔多在狀態咁, 我都冇咩去同人social, 只係做好面前嘢就算, rundown預計1個鐘才完的儀式, 半個鐘多D就搞掂, 所以提早咗開飯, 真係始料未及! MC都算識執生, 上菜的經理亦唔錯, 完全跟得到, 我負責上半場抽獎, 下半場我都開始坐吓, 咩都唔想諗, 個人都唔多提得起勁! 只知道比預計時間快咗好多, 10:15已經抽到大獎, 都好GE早D收工, 叫老公嚟接我地, 所以要喺大堂等佢, 我都飲咗少少酒所以都有少少wing, 不過見到我個小仲仲就醒哂, 一齊返去洗完白白就K.O.哂兩個, 明天畫班又要一早起身啦!