11/3/16

11/3/16   FRI   COOL

今朝仲仲又一早起身啦, 又想一齊出門口送哥哥校車, 但因為天氣凍, 所以都係冇帶佢去, 返上樓搞掂仲仲就出門口, 今日又係唔洗趕, 婷婷請多日假, 咁揍咗仲仲入學校我就去買早餐食才上巴士囉! 返到去都係做吓自己嘢做吓公事啦, 午飯後同咗KIKI出去AEON, 佢去攞嘢我去買碗, 今晚打邊爐用嘛! 下午老細返咗嚟, 都要喺佢面前浦吓頭等佢記得仲有我呢個人喺到! 放工前有D突發嘢, 搞到差不多6點先走得, 好在快手快腳返去攞游水衫都趕得切6點半前去到小童接更! 等佢地換好衫就上車過泳池, 啱啱好趕得切入去, 跟住就返屋企啦, 今晚唔洗煮飯點都好D, 煮咗烏冬比仲仲食, 佢沖埋涼咁, 我就執定少少明天D嘢, 8點幾佢地先上到嚟, 又係忙忙亂亂咁啦, 忙到都唔記得喺房有個仲仲食緊奶, 到發現時佢仲坐咗喺床等我地入嚟陪上床瞓覺, 可愛到呢! K.O.咗佢就安樂打我地GE邊爐啦! 吹吹吓水咁吹到10點幾先執嘢, 結果11點多先走呢! 今晚3個大GE又相處得幾好喎冇投訴! 等佢地走咗我地先沖涼抺地等等收拾的工作, 12點多才可以休息, 明天又要大龍鳳了, 好在老公不用飛!