1/3/16

1/3/16   TUE   COOL

過埋今日老細就返, 又要返回現實啦! 朝早柏仲又一齊醒咗, 但比我趕返入房, 我實在太忙冇時間理佢住! 搞掂就快手出門口, 又最後一個上校車啦! 回來後就搞掂柏仲出門口啦, 有車車唔洗太趕, 揍咗佢地入去, 就叫老公車我去青衣城先, 因為要去銀行入錢, 已經turbo腳咁行, 勁快咁食, 8:50已經行到去HSBC, 但前面已經排咗十幾人, 好在入去後可以排嗰條關愛櫃位, 因為一單不超過10萬係可以排, 前面只有3人呢! 搞掂MTR返公司都係9點半! 今朝都係做吓自己嘢然後做公事啦, 都要搞商會單大龍鳳架啦, 得番10個工作天就到! 午飯食完都係睇吓電視啦, 下午繼續做, 放工完全唔記得咗要喺樓下同阿媽會合因為佢出去有嘢做, 好在佢打來時我剛剛落樓, 否則走咗去就煩! 揍住佢兩個買唔到餸架喎, 於是去咗大家樂買燒雞, 再去買半斤菜就掂, 老公趕得切渣車回來揍我地, 咁返到去都係叫子元做功課, 我就煮埋餐飯, 食完都8點多, 老公幫兩隻嘢沖涼, 我就洗碗抺地, 然後又要對功課溫書等等啦! 子元瞓咗我先可以沖涼啦, 但沖完都未有得休息, 有3機衫等住我摺, 摺得嚟都12點了, 好攰!