8/3/16

8/3/16   TUE   WARN

柏仲又一早醒咗, 令我早上的時間很趕! 由得佢落住套睡衣就落樓, 佢仲要帶埋個公仔落去, 可愛到呢! 今朝有個新car seat, 仲仲見到後好新奇, car seat上仲有隻加送的狗仔, 開心到佢呢, 抱住狗仔坐得好定! 揍完柏仲就返工, 今朝要去尖沙咀攞嘢, 所以可以食個早餐先! 撘巴士去攞完再撘番巴士返, 都要差不多11點, 之後都係做吓自己嘢先啦, 跟手都係趕住搞商會D嘢啦, 唔覺唔覺都幾多嘢未預備好架! 午飯老細只係返過嚟攞嘢, 所以都冇阻住我地! 下午繼續趕工啦, 時間過得好快呢! 放工就去買餸, 又係返得去都6點幾, 快手煮飯啦, 但仲仲又係咁扭計, 都唔明佢扭咩, 但佢cute嗰時又cute到你頂佢唔順! 之後老公回來叫做好少少, 不過都已經開飯啦, 食完又係快手分工洗碗抺地沖涼啦, K.O.咗柏仲又要幫子元睇功課溫書, 明天英文進評, 所以又影印咗D練習佢作最後衝刺! 佢做嗰時我就可以沖涼啦, 沖完出嚟又係同佢對, 都係有錯架啦, 叫佢明天攞埋返去溫, 希望佢識啦! K.O.埋佢可以自由啦, 今晚唔算太多衫要摺, 所以好快可以hea吓, 老公又衰, 引人地食杯麵, 佢買咗兩個新嘢齊齊試!