14/3/16

14/3/16   MON   COOL

又是一個悶人的星期一吧! 朝早都係捉仔起身返學啦, 揍咗佢地就食個早餐返工, 午飯落咗去買飯啦, 返到上嚟嗰條PK妹竟然坐咗過嚟我地机仔嗰到, 雖然KIKI今日放假, 但我只係去買飯咋喎, 唔係唔返嚟食喎, 另外兩個同事都同佢講過, 但佢就係要坐, 你話我衰都係咁, 佢呢D真係正宗90後, 人地講佢唔聽, 同人相處係你地就我架, 做咩要我就你呀, 冇禮貌冇常識, 佢唔係green到第一份工喎, 係已經做咗兩三年嘢喎, 唉…..我真係唔識講! 最終我都係坐埋去有少少迫佢咁, 但都背脊骨落! 下午都勁悶啦, 條PK妹喺到我地幾個又唔可以吹水, 不過我都有嘢做吓! 放工我即閃返去接更, 餸都冇買, 因為阿媽話今朝阿嫲話唔舒服, 同咗佢去睇醫生後, 見佢情況唔係咁清醒, 咁就早D返去煮飯佢食, 所以我就要快D返屋企揍細路! 因為買唔切餸就出咗去食, 仲買埋糖水返嚟食, 但要幫子元溫中默同數進評, 根本完全唔夠時間, 結果搞到11點先瞓, 我就勁down囉, 叫陸生幫子元默書, 佢就喺廳坐喺梳化嚟讀D讀默, 因為打緊機嘛, 我叫做偷D時間沖咗個涼啦, 出嚟發現子元做數學時瞓咗, 但出面條友完全冇理到喎, 堅係火架! 咁見佢邊D做起咗就同佢對咗先啦, 但已經勁火, 我點解要咁辛苦, 你又返工我又返工, 我唔辛苦GE, 我8個鐘返去坐GE, 但我由6:45起身開始已經冇停過落嚟啦, 返屋企煮飯洗碗抺地睇功課溫書摺衫, 冇10 點幾11點都冇可能坐下, 但佢覺得佢同兩個沖咗涼, 洗咗奶樽, 洗埋柏仲個杯袋就已經好偉大啦, 做咗好多好多嘢啦! 我話咁調轉試一試啦, 佢又唔出聲呀, 即係佢知呀但唔幫咋嘛, 都唔好話幫啦, 只係分工啫, 我係想你主動D去分工, 唔係我叫先做, 好似我求佢幫我咁喎, 我down到入咗子元房閂咗門喺到喊, 個仔見我咁都唔知點, 佢就係咁喺到做埋D練習紙, 終於做哂嘢, 比佢食埋糖水咪上床瞓, 又喺到呻囉, 好在都仲有個子元好似明我咁啫! 返番出廳, 仲有幾機衫等我摺, 我話摺得攰, 佢就叫我唔好摺住囉, 我今次真係出聲呀, 我今日唔摺, 聽日咪又係我摺, 最終都係我做架! 佢嗰種我明但我唔會幫你的態度, 確實令人好炆, 唔識你咪學囉! 唉! 今日我真係好好好炆呀!!!!