16/3/16

16/3/16   WED   COOL

今朝柏仲好好瞓, 我返上樓佢先醒, 所以都可以專心揍子元! 不過揍仲仲出門口時就遲了, 搞到接更揍婷婷時好趕, 所以叫咗老公車番Fiona去地鐵站! 揍咗佢地我又趕返工啦, 朝早都係做吓公事做吓自己嘢, 午飯自我提早5分鐘食, 因為要趕過去學校接子元, 然後送佢入青衣先, 已經係飛的入去, 都1:35先到, 快手閃去巴士轉地鐵架啦, 都2:02先返得到嚟, 老細應該唔覺GE! 下午等老細同PK妹出咗去開會, 我地又可以free吓啦! 放工入咗青衣, 我又變咗顛婆, 子元喺嫲嫲到係完全冇辦法專心, 老公今日又OT, 因改了明天飛, 所以我都顛咗好耐, 個衰仔又係GE, 成日都係咁激我! 老公差不多8點返到嚟, 食完飯都走啦, 返到去都係沖涼瞓覺, 子元就對咗佢D卷, 但對番之前份英文, 又係錯到九彩, 叫佢睇番錯咩, 改啱A又錯番B, 頂!!!我咪爆佢囉! 老公今次醒啦, 早D入嚟幫拖, 我去沖涼, 出嚟咪作到句囉, 仲作得好好添! 終於可以收工, 趕佢去瞓, 我已經冇力摺衫, 等老公做埋嘢, 12點就去瞓, 但其實我坐落梳化已經瞓鬼咗!