10/8/16

10/8/16   WED   RAIN/SUNNY

朝早起身, 見到紅雨喎, 個心真係灰咗一灰, 仲應唔應該去呢, 最緊要公園開啫, 反正我都唔玩機動遊戲, 所以室內嘢又不太影響GE! 咁8點幾梳洗好執埋嘢就先去大快活食早餐, 食完等171出發都9點幾, 真係足足1個鐘車程, 佢兩個都算OK啦, 今日又不太人多撘車, 仲仲可以落地企吓都捱到去! 由於落車時仲有雨, 所以要揹住仲仲先方便! 去到買飛入場, 只係比子元錢呢! 由於落緊雨唔可以一入場時去影相打卡, 唯有之後再補影啦! 先去個廁所就去海洋館睇, 我覺得海洋館係最多嘢睇最舒服, 仲仲第一次嚟咩都新奇啦, 不過黑黑的又話驚咁囉, 好可愛! 第二個地點係熊貓館, 反而子元鐘意多D喎! 經過下水禮, 入去全濕嗰D就真係唔方便玩, 但有一個係玩射水彈, 又冇人排喎咪係咁玩咗幾次囉! 都真係濕到架, 仲仲比子元射到濕哂要換衫啦, 又同海綿寶寶影相! 跟住就去睇亞洲動物館啦, 本來諗住跟手去威威天地, 但落雨都冇嘢好多, 於是就去咗坐旋轉海洋生物先, 然後就撘覽車啦, 人少少咁我地3個坐一架, 可以喺車上食吓嘢抺吓汗休息吓, 子元就話怕高, 但仲仲就坐得好自在, 兩個好大對比! 過到去已經差不多1點, 先喺灣景餐廳食個午餐先, 等咗一陣有位, 因為係要自己出去攞嘢食, 所以先settle咗佢兩個先, 要子元照顧住仲仲, 我再去買嘢食, 兩個所謂餐折咗都要差不多300蚊呀, 所以堅係貴架, 但為咗舒服D有啖好食冇法啦! 食完就去睇冰極世界, 其實仲仲開始攰啦, 要我抱住行, 但我真係抱唔到咁多, 所以都係要佢行吓, 好在睇嘢時佢都OK, 睇吓玩吓咁, 本來想去睇海洋劇場但時間唔啱冇睇啦, 去咗睇鯊魚! 睇完就撘番覽車落山, 因為冇落雨, 可以去威威天地玩, 有坐火車, 甲蟲啦, 兩個可以一齊玩, 不過最好笑係玩跳樓機, 仲仲啱啱夠高坐, 佢仲定過子元, 子元係咁喺到大叫, 好嘈呀! 玩咗2次又再去玩其他, 其實已經差不多3點幾, 比佢地去射多次水波就要換衫啦, 海洋公園之旅亦到尾聲! 仲仲就醒目呀, 一出去就要抱, 勁快瞓咗, 難為我喺車到扶住兩個醉酒佬咁! 趕得切5:30去學圍棋, 咁我就同仲仲喺小童hea! 最慘係仲爺想POPO又PO唔出, 最終去元氣食完飯時佢就疴出咗, 又要去廁所搞一餐先走得! 去美心買埋個蛋糕回家就沖好涼切蛋糕, 咁我個生日就好完滿啦! 老公在外搵錢冇辨法啦, 今日仲收到消息話佢升職加薪, 真係好呀!