7/8/16

7/8/16   SUN   HOT

今日都有約會, 不過喺夜晚, 所以日間活動照常! 有點趕地去畫班啦, 揍咗子元我地就去食早餐, 然後去咗換軚, 車軚變了光頭唔安全! 去行吓買吓嘢揍埋笨元先行返去攞車啱啱好, 跟住就去咗奧海城, 本來都係諗住人少少睇吓嘢, 但有個咩鬼奧運M&M, 子元淨係心急去玩, 但其實都冇咩好玩啦! 先去toyrus睇完就去食嘢, 試咗間新嘢食西餐, 味道唔錯喎, 最好玩係個朱古力奶棉花糖, 不過飲就甜咗少少啦! 換咗遊戲卷去玩, 又因為欠1張才可以儲夠印去換氣球, 所以去百佳再買嘢, 我抬咗兩包米, 啱用又啱價錢嘛! 終於仲仲又有得玩一次, 又換到個M&M氣球, 可以返屋企了! 約咗寬頻個師傅上嚟睇吓部機, 返到去混混亂亂咁, 總之整起後就趕仲仲入去瞓, 我就邊睇電視邊摺衫, 咁又睇咗一套, 之後咪就係等Carlie同Stella嚟囉, 不過佢地都6點幾先到, 嚟到都係玩吓吹吓水啦, 但全部唔同年紀的小朋友聚埋其實又玩唔到咩出樣! 到7點幾8點就出發去食嘢, 由於美孚冇咩好食, 最終我提議去AEON食啦, 本來老公諗住食COCO, 但Carlie佢地話食壽司, 咁有位咪食囉, 3個大的小朋友都可以自由活動去睇玩具同玩卡機, 食完hea吓10點幾才散水呢! 返到去都係快手K.O.佢兩個, 然後我地睇番城寨英雄, 不過要用myTV睇囉, 睇完hea陣1點幾瞓啦, 明天老公又要飛啦, 搵錢搵錢!