3/8/16

3/8/16   WED   HOT

今日都係如常咁啦, 老公揍嫲嫲出嚟, 仲仲又係一早起咗身, 仲有一個月先返學, 都唔知佢幾時先明唔洗咁早起身! 去酒樓同嫲嫲會合, 交低佢地就返工! 今朝都冇咩做, 都係做吓自己嘢啦, 午飯叮意粉食咋, 落雨廢事落去, 點知老細又返咗嚟, 阻頭阻勢! 食完快快閃, 下午好多會開, 不過都唔關我事, 佢地D高層開嘛, 我樂得清閒, 係之後sales開先到我啦! 放工都遲咗走呀, 一來老細未走, 二來子元喺小童放6:15我都唔洗咁急! 接咗子元回家就準備食飯啦, 子元應該未做起成語, 靜靜雞走咗入房做埋佢, 開飯後仲仲就搞事, 見人飲嘢佢又要飲啦, 咁扭開個樽蓋又閂唔到又唔肯比人幫, 幫咗佢又喊, 我就開始整治佢, 佢竟然鬥氣, 我有時間就同你鬥, 第一次唔收聲就去廁所門罰企, 唔肯望牆企我就捉佢入廁所, 講咗數但出到嚟都係唔肯自己食, 我就叫嫲嫲唔好理佢, 等我食完, 個衰仲終於明佢阿媽係唔會放過佢, 咪死死地氣要攞起個匙食囉! 食咗半碗都OK啦! 咁我就執碗洗, 到抺地時伸手出窗攞地拖, 點知…原來琴日打風吹咗個地拖落街我完全唔記得! 咁咪唯有叫老公送嫲嫲返屋企時去買番個囉! K.O.咗兩隻仔都係hea同睇電視囉!