2/8/16

2/8/16   TUE   8號風球

今朝雖然8號風球, 但我都係冇覺好瞓, 仲仲6點幾醒咗唔肯留喺房, 係都要出廳, 我開完奶入番房瞓, 佢又要食餅, 總之沒完沒了, 一瞓番入眼又比佢嘈醒! 拖到9點起身啦, 梳洗煮麵食, 叫老公起身煎埋蛋, 好豐富的早餐呢, 不過一路睇新聞個風都捱唔到下午, 所以都遇咗要返工, 天文台講到明1點前落波, 咁都準備定一落波就閃架啦, 好在老公公司宣佈咗唔洗返, 咁都冇咁麻煩, 佢車咗我返工就算, 買咗麥記比佢地返去食, 我就返工囉! 其實返去都冇咩公事做, 但就係老細返咗嚟, 因為約咗有線開會嘛, 廣告嘢已經愈來愈唔關我事, 咁人地係marketing嘛, 我係秘書最主要同老細mark番幾時去邊GE啫! 夠鐘放工老公嚟接我, 去咗AEON咋, 先行咗陣再去食COCO, 跟住買咗隻特福的“穫”, 折咗300蚊咋抵到爛啦! 返屋企如常咁K.O.咗佢地, 然後都係睇電視啦, 但我眼瞓到未夠11點就喺梳化瞓咗, 所以都唔係好睇得到J2套劇!