31/8/16

31/8/16   WED   HOT

今日要返工啦, 都冇話唔想GE, 唔返工點有錢再去玩! 朝早老公車佢兩個入青衣, 我就夠鐘先出門口返工啦! 買埋早餐返去食, 跟住就係咁過番D相同寫番幾日日記啦, 同埋都要做好多嘢, 所以一朝早都好忙碌! 午飯後就去咗銀行攞錢先啦, 攞得嚟已經夠鐘入唔切, 明天才算啦! 下午都係做吓公事做吓私事咁啦, 又要開吓會咁囉! 夠鐘放工即閃, 入青衣會合, 因為老公要去攞波衫, 所以車埋嫲嫲出旺角! 返到去睇子元本嘢都係未做哂, 佢真係咁怕寫字咩, 定係覺得呢D唔係非交不可的功課就可以放肆! 局佢寫埋嗰D就出門口, 去攞完波衫就去太子食嘢, 但子元個腸胃又好似未好得哂, 落車又嘔, 所以冇食嘢, 只係飲寶礦力咋, 同佢去藥房配埋藥, 因為大個仔要食藥丸, 即管比佢試吓啦! 送埋嫲嫲回家我地都返去, 快手K.O.咗仲仲就捉子元食藥, 第一次食藥丸係有D難度, 又嘔水又苦咩都齊架啦, 我地兩個都炆炆地, 最終叫咗食哂啦, 咪快D執好嘢瞓覺囉! 我都10點幾先去到沖涼, 快手沖完邊摺衫邊睇J2劇, 12點幾先瞓啦!