18/8/16

18/8/16   THU   RAIN

今朝反而係等阿媽過嚟接更, 因為奶奶要去抽血, 所以朝早要婆婆替更! 買埋早餐返公司食啦, 跟住都係做吓公事又做吓私事咁啦, 午飯後都係睇吓電視咁啦, 下午老細返咗, 又捉住佢兩個愛將開會啦, 我搞掂嘢得閒D時都過去找找佢浦吓頭問吓佢嘢咁囉! 放工都準時唔到走, 因為要整埋D手尾, 落到樓仲諗緊行定撘巴士時, 奶奶就打嚟叫我去買六合彩, 咁就行返去啦! 返到去執吓嘢仲仲就醒咗, 老公打返嚟話到咗, 咁就執好嘢落樓啦, 去咗長沙灣食雞煲, 但已經冇之前咁好食, 唔洗再來了! 食完上阿媽到攞番個袋就走, 先送嫲嫲返屋企, 我講吓笑話不如佢兩隻嘢喺青衣過夜啦, 反正明天都入嚟, 點知個個都好同意喎, 反而係我講完有D唔捨得! 不過最終都放低佢兩個, 但就幫佢地沖埋涼先, 返到去大包已經喺到, 佢今晚有排受啦! 我地返到去其實只係做少咗趕佢地去瞓嗰part啫, 沖完涼就可以睇電視, 睇哂3套劇就瞓啦!