8/8/16

8/8/16   MON   VERY HOT

今日老公要飛啦, 不過今晚先飛, 所以朝早仲可以揍兩隻豬入青衣, 我就自己返工啦! 朝早忙忙咁寫番幾日日記啦, 然後都係做自己嘢, 找吓去海洋公園同澳門的資料, 一帶二點都要plan吓去個行程, 話哂都3年冇去過, 同埋都要諗吓下水禮點搞, 子元又想玩但若果我一揍二, 好似又有D難度! 午飯後就睇澳門啦, 今次淨係book咗酒店同諗住玩水, 完全冇諗其他嘢, 過得去冇理由唔出去行吓架嘛! 所以都要上網爬吓文! 咁又放工啦! 返去青衣食飯接番兩隻豬, 8點多返去啦, 先K.O.咗仲仲, 比子元睇埋城寨風雲先瞓囉, 我都係睇埋冤鬼女友就瞓啦, 知道老公已安全到達青島安心瞓覺!