21/8/16

21/8/16   SUN   HOT RAIN

今日節目豐富呀! 朝早如常去畫班, 跟住食早餐啦, hea吓吹吓水咁夠鐘又去接番佢地, 直接去程家, 準備中午去會所游泳池玩水上嘉年華, 跟住陸生就渣車返去泊好先, 買D嘢食上嚟食少少才出發, 去到泳池已經有得玩, 其實主力有滑水梯, 船仔同浮浮坐, 淺水池就有隻吹氣海盜船咁囉, 細路仔係啱玩GE! 仲仲完全唔怕水啦梗係, 今次有埋泳鏡就更加放縱, 滑水梯照滑, 喺淺水池就更加啦, 我地咪互相照顧住囉, 子元識游水後真係叻咗, 不過脾氣依然係臭, 輸咗又唔玩嗰D囉! 2點幾就加咗個倉鼠球啦, 子元同敏瑩玩一個, 我就同仲仲玩一個, 仲仲唔怕之餘又唔郁, 等我轉佢就係到成隻蛋黃哥咁, 好搞笑! 程太整咗D腸仔燒賣杯麵落嚟食, 食完就兩隻細GE上去沖涼先, 大嗰兩個再玩咗一陣, 4點多先返上去沖涼! 晴晴家過咗嚟睇樓, 仲上咗去程家到坐, 等我地沖好涼, 兩位爸爸去攞好車全部人才閃! 想去遠D食就去咗三聖食海鮮, 好在臨急book咗位先啫, 唔係實有排等! 因為勁多車, 我地泊到去球場嗰邊行返過嚟呢! 買埋海鮮交去煮, 仲仲就食食吓辦大事啦, 成日都要倒我胃口! 食完返長沙灣食埋松記才走, 真的很累了, 回家仲要處理好D仔同D衫先有得沖涼呢! Hea到12點幾瞓啦!