11/8/16

11/8/16   THU   RAIN

今朝都真係好攰呀, 柏仲仲誇, 8點都唔起身, 係聽到我梳頭等等D聲先醒, 整好嘢出門口時巴士又走了, UBER又冇, 仲要落雨, 唯有撘的士, 揍咗仲仲入青衣, 還要揍子元返出長沙灣, 好在時間都仲夠, 邊行邊食咗個包! 返到去都係做吓自己嘢啦, 今次到睇吓澳門嘢啦, 收到JW的回覆有蛋糕送, 我都係有樣學樣話慶祝生日, 估唔到真係得, 有時就係要咁鬼唔知醜去問就得, 到時去問吓佢再有冇得upgrade囉, 哈哈! 午飯後都係睇吓電視啦, 下午繼續hea, 終於到放工, 去球場接笨元啦, 阿sir話佢都踢得幾好喎, 除咗都係會搞搞振外, 都算積極! 接咗佢換埋衫買個包食再撘地鐵, 入到青衣都7點, 撘埋巴士返上去都7點半囉, 一上到去有飯食啦, 食完hea吓8點幾走, 喺走廊兩條友仔喺要跑, 結果仲仲就冼咗喺到撞到個後尾枕囉, 起咗個樓呀, 捉得佢一次就捉唔到佢第二次, 唉! 我係咁喺到鬧佢地呀, 鬧到兩個都唔敢出聲! 係返到去沖涼時洗佢個豬頭先識話痛囉! 老公教同佢敷冰, 咁都係照做啦, 應該就冇咩GE! 睇完城寨K.O.埋笨元就自由時間食吓生果啦! 點知睇J2套劇時瞓鬼咗, 醒嗰吓我以為自己瞓天光呀, 原來只係12點半, 但我覺得自己瞓咗好耐囉, 好搞笑!