13/8/16

13/8/16   SAT   HOT*

今晚老公返嚟啦, 不過真係要今晚, 仲要未知幾點! 朝早等阿媽過嚟接更我就返工啦, 返去都係做吓自己嘢啫, 夠鐘就閃人, 阿媽煮咗午餐, 返去食通粉, 食完收拾好就出門口, 子元3點要去到石硤尾踢波, 我揍咗佢地過去, 都陪咗子元一陣架, 但因為真係曬, 唔適合咁乾煎咁耐, 不如就推住仲仲周圍行吓, 附近都冇咩好行, 只係去咗南山邨, 都唔係有冷氣架啦, 但總好過曬, 行行吓見有間便利店就去買嘢飲啦, 見到有部夾公仔機喎, 1蚊1次咁抵玩, 咪試吓囉, 仲仲又話要夾, 就比佢郁吓, 反正無限郁, 咁佢求奇搖到去一個位, 真係比佢夾起咗一個, 不過唔夠力捱到返出口, 不過絕對可以再試, 真係夾到出嚟, 喺出口攞公仔時, 見到本身有一隻已經喺出去, 註定係比我地架啦, 子元一隻仲仲一隻, 由仲仲自己安排, 佢留咗隻bear比哥哥呢! 慢慢行返去都仲有半個鐘先放, 其實有D難捱架, 附近冇咩好玩又熱! 終於踢完再去同佢換衫返屋企囉! 差不多返到樓下時老公話佢落咗機啦, 好嘢可以一齊晚飯! 仲仲回程途中已瞓了, 由得佢臭泊泊咁瞓住先啦, 我同子元梗係沖個涼hea吓! 老公8點幾先返到嚟, 柏仲仍瞓緊, 等老公沖涼就叫醒仲仲一齊沖, 都瞓咗3個鐘咁滯啦, 今晚仲洗瞓GE! 沖好涼醒咗, 係時候出去食嘢, 老公話不如去食泰國嘢, 諗住去食番之前喺九龍城食開嗰間, 搬咗去悅來酒店嘛, 明明喺open rice睇到係開到11:30, 點知去到時差不多10點, 竟然話收10點喎, 不過好在撞到老闆, 佢仲認得我地, 仲招呼埋我地先, 咁我地都快手叫嘢食, 又快手食, 所以都冇阻住人收工! 食完老公話不如去B仔食涼粉, 子元襯機瞓一覺先, 去到食到飽飽的, 飽了仲仲就有屎疴, 仲要換完片再疴, 比佢玩死, 唯有真空回家! 回程時原來已經12點幾, 喺車又瞓哂, 返到去子元都沖咗次涼, 仲爺就照瞓啦! 返去執吓嘢等等都兩點幾先瞓呢!