14/8/16

14/8/16   SUN   HOT

星期日朝早都係去畫班啦, 不過今日係去接子慧佢地囉, 去麥當勞會合, D細GE食咗早餐揍咗佢地上去, 我地就去食早餐, 然後都係去入吓油呀買吓奶粉咁啦, 夠鐘接番佢地就回家! 返去休息吓, 我摺咗兩機衫, 點幾又出街, 我要去荃灣配眼鏡, 泊咗車去愉景新城, 食咗午飯行咗陣就過去配眼鏡, 配完返去攞車出旺角, 老公話朗豪坊開咗間LEGO專門店, 辛辛苦苦泊到標位行到過去, 原來18號先開喎, 咁咪冇得睇囉, 都係周圍行吓, 見到有夾公仔嗰間嘢, 咁就貢獻咗$200得個吉啦, 都係GE唔係次次中! 之後去咗試間韓燒, 真係好韓國feel, 味道亦唔錯, 食食吓又要仆返去入標, 我帶埋仲仲去入, 老公就可以努力咁燒嘢啦, 仲仲下半場返嚟完全係搗亂啦, 所以快D食完就走啦, 慢慢行返落去, 又去無印買吓嘢就返屋企! 沖涼睇電視瞓覺!