16/8/16

16/8/16   TUE   HOT RAIN

今日我要揍子元去Gloria屋企先返工, 等佢揍去小童學棋, 未夠鐘出門口我就煮個麵食, 子元都瞓到8點多, 要我叫起身呢! 揍咗佢去人地到我就返工啦, 都係做吓公事又做吓私事, 午飯後都係睇吓電視打吓機啦! 下午老細返咗, 都唔算太阻住我地GE, 放工準時閃人去接子元放足球, 返得美孚仲要買餸, 慢到老公揍埋仲仲都夠時間出嚟接我地, 7點多先返到去, 我快手煮飯啦, 佢地沖好涼, 開飯時都係要我鬧啦, 完全唔識主動幫手開飯架, 仲仲食飯時又係唔肯自己食架, 最終食咗一半點都唔肯再食, 咁咪唔比奶佢飲囉, 不過就由老公執行, 我要洗碗抺地, 搞掂哂沖涼都差不多9點半, 要快手沖好睇城寨! 期間仲要摺衫啦, 見到有份政府工幾好, 又填嘢報吓咁囉, 老公又想報番個機械工程DEP嚟讀, 我太眼瞓啦, 等唔到佢一齊瞓要瞓先!