5/8/16

5/8/16   FRI   HOT

今日都係如常咁返工啦, 老公去車嫲嫲出嚟, 咁我就返工啦! 返到去都唔算有咩做, 開吓無聊會咁, 午飯後老細走咗返嚟阻頭阻勢, 好在我係咪都諗住出去, 幫程太去7仔換嘢, 咁順手出去行吓囉! 下午都係咁啦, 做吓公事做吓自己嘢, 放工就去shopping, 夠鐘就去接笨元游水, 見到佢合唱團唔多合作囉, 可能因為悶, 都唔知點教佢好! 揍咗佢去游水就返屋企啦, 因為未咁早食飯, 所以都唔洗郁住, 夠鐘我落去接仔, 嫲嫲就煮埋飯, 上嚟食完飯咪同佢地沖涼等等囉! K.O.咗佢地就自由啦, 老公送咗嫲嫲返屋企咪返嚟, 定咗下星期一要飛青島, 唔可以喺我生日一齊去海洋公園, 咁我同兩隻豬仔去玩啦, 要搵錢嘛都冇辦法!